السلام عليكم ورحمة الله وبركاته
أحببت أن أعتذر للمدونة عن غيابي الطويل والمفاجئ ... "
ربما أدركت اخيرا سبب إبتعادي عنه و إبتعادي عن الكتابه " .
مشاركتي بالمدونة كانت دوما وستكون " الحقيقة المطلقــة " حيث اكون " انا "
كما احب ان اكون ... ومن خلال تواصلي في المدونة اتواصل فعلا مع نفسي
ومازالت المدونة بالنسبة لي رائعة كالحلم .... او هو حلم تحقق .
لذا في الفترة السابقة ابتعدت كما نبتعد احيانا عن الوطن ...
معتقدين اننا جرحنا منه ومعتقدين انه هجرنا واعطى لنا ظهره .
ثم ندرك بعدها اننا كنا نسبح في بحر النكران واننا لم ندرك جيدا
ان الوطن بداخلنا قبل ان نمشى على ارضه او نستظل بسمائه
واننا حينما جربنا سماءا اخرى وارضا اخرى .... جرحنا وقتها فعلا .
لذا ربما جربت في الفترة السابقة وطن اخر ولم تكن مدونة اخرى
او شيئا ما من هذا القبيل بل كان عالم اخر ... كما قلت كنت احسبه وطنا اخر .
قد يكون هذا الوطن شيئا ما .. هواية ما ... شخص ما .. مكان ما ...
وانا هنا من جديد قررت الان العوده ولكن هذه المرة تختلف ...
هذه المرة احسست بمسئولية عميقة ورغبة ملحة في الاعتذار .
واتمنى بالنهايه ان تتقبلوا اعتذاري تقبلوا تحياتي ..
وأعذروني جداا للتغيير المفاجئ إلي حصل للمدونة
من تغيير أسماها من أحزان مريم للأسم ده وشكلها بس أظن كدا أحسن .
22 ** أرااء ملائكتي **:
حمد لله علي السلامه
بس كان ممكن يكون الاسم angel بس
علشان شويه تفاؤل يعني
ان شاء الله في انتظار المواضيع القادمه
وكل سونه وانتي طيبه
حسن حنفي
الله يسلمك ..
هههههههه
يلا معلش هو الأسم جا كده بأه
وأن شاء الله هيكون في مواضيع
كتيره تعجبكم
وحضرتك طيب
رمضان كريم ..
السلام عليكم
انتى اى حاجة تعمليها لازم تكون جميلة يعنى المدونة الوقتى او قبل كده جميلة طبعا عشان انتى الى عملاها
بجد وحشتينى اوى وحاسة بجد احساس غريب من غيرك طول السنة اللى عدت دى عموما حمدلله على السلامة ويارب تكونوا كلكم بخير
سلامى لكل اللى عندك
تحياتى
حمدا لله على السلامة
نورتى بيتك من جديد
جوجو
لالالالالالا
أيه الكلام ده أنا مش أوي كده
المهم شكرا أوي يا جوجو يا قمر
أنتي وحشتيني أكتر
وكل سنة وأنتي طيبة
mohamed ghalia
الله يسلمك
وبشكرك على تواصلك بعالمي
وكل سنة وحضرتك طيب
الحــ ــزين
كل سنة وانتى طيبة بس ليه انتى حزينة جدا وانتى صغيرة وأمورة كدا
فرفشى كدا !!!!!!!!!!!!!
اتمنى الزيارة دومتى بكل خير
الحــ ــزين
سعيدة جدا لزيارة المدونة
كل سنة وانت طيبة سونة
الحزين
وحضرتك طيب
شكرا جدا على تواصلك بمدونتي
أتمنى أنها تتكرر دائما
أنا مش حزينة أوي كده
دمت بكل خير
دموع القمر
أنا أسعد والله أنك شرفتيني
بزيارتك لمدونتي
وكل سنة وأنتي طيبة يا قمر
دمتي بكل سعادة
اذيك ياقمر
كل سنه وانتى طيبه ورمضان كريم
وحمدالله على سلامتك ونورتى مدونتك من جديد
جزاكى الله كل الخير
وميرسى على زياراتك الرقيقه لى
ويبقا التواصل
مودتى
ايناس
كل سنه وانتي طيبه يا البي
انا عديت على مدونتك خطف لايتها عباره عن كتله من الاحاسيس الي جواكي وبتجسديها هون تلم ايديكي وتقبلي مروري ^_^
عاشقة الأحزان
الحمد لله تمام
وأنتي طيبة يا قمر
وشكرا جدا على تعليقك يا أنوسة
دمتي بخير
سوسو الاموره
وأنتي طيبة يا سوسو
وشكرا جدا لكلامك الجميل ده
دمتي بكل المحبة
اول حاجه حاسه اني عايزة اكتبهالك
انتي في سنه كااااااااام؟؟؟
(:
متعتبريش دا تطفل عادي يعني
تاني حاجه هقولهالك
ان بجد طريقة كتابتك عجبتني اوي
ربنا يديم عليكي الموهبه
هو انتي ناويه تدخلي كلية ايه؟؟؟
ربنا يعينك عليا داخله عليكي بأسئله وتلاقيكي هتقولي البت دي رخمه
اتبسطت بمرورك عندي وبجد نورتيني وشرف ليا اني جيت هنا
دمت بود
تحيــ بسومةالنعومةــاتي(:
بسمة صلاح
لالالا ولا تطفل ولا حاجة ياحببتي
برحتك .
أول حاجة يا ستي أنا في تانية ثانوي
وتاني حاجة أنا بشكرك أوي يا قلبي
ده من ذوقك والله .
أنا سعيدة أكتر بمرورك
والنور والشرف ليا أنا لأنك عندي والله
أنا ناوية أدخل كلية إعلام أن شاء الله
دمت بكل الأمل والتفاؤل
حمد الله علي السلامه ياقمر
ونورتي التدوين :)
كل سنة وانتي طيبه
كيارا
الله يسلمك
ده نورك والله يا حببتي
وأنتي طيبة
دمت بكل المحبة
فينك بقى كل دا؟؟؟
طبعا حمدا لله على السلامه
ويارب دايما يكرمك ويتمم عليكى رمضان بالغفران والعتق من النيران
وبجد عجبنى جدا جدا أسلوبك الهايل فى سياق الكلمات
أسلوب سلس بسيط وفى نفس الوقت قوى جدا
أدامها الله عليكى نعمه
سعيد جدا بمرورك الكريم عندى
وسعيد أكتر بزيارتى المتواضعه جدا عندك
دمتى بكل الخير
blue-wave
معلش والله
أنا عارفة أن كانت الغيبة طويلة
بس معلش
أن شاء الله هعوضها بالأحسن
دمت بكل الخير
الشاعر الحزين
الله يسلمك
يااارب
بشكرك جدا على التعليق الجميل ده
وأنا أسعد والله بزيارتك
أتمنى لك التقدم والسعادة
تحياااتي لك
إرسال تعليق