لكي تكون سعيداً

**لا تكره أحدا مهما أخطأ في حقك

**لا تقلق ولا تتوتر أبدا

**عش في بساطة مهما علا شأنك

**توقع خيراً مهما كثر البلاء

**أعط كثيرا ولو حرمت

**لا تقطع دعاءك لأخيك بظهر الغيب

**ابتسم ولو القلب يقطر دما

$$$$$$$$$$$$$$$$$$$$$$$$$$$$$$$$$$$$$$

دوماً أتساءل..؟؟

السلام عليكم ورحمة الله وبركاته

دوما أتساءل ..؟
لم اذا أ تواجد هنا من الأساس ؟
لماذا أكتب ؟ ولماذا كانت هذه المدونة ؟
لم علي أن أدخل هذه النطاقات، وأختفي وراء اسم مستعار
وأشارك هنا وأدون هناك
أ لتقي بأناس وهميين، أتعلق بكلماتهم،
ويرحلون
لماذا أستعين بهذا العالم (الوهمي) للتعبير
أستطيع أن أبوح بـما أكتب لـ كثير!
لما لا أستعين بدقة زر الهاتف كي أتحدث
وأنطق ما أقوله هنا وعلى الورق عامة
لسه الدنيا بخيييير على ما أعتقد
وهناك الكثير ممن لن يبخلوا علي ولو بـجل أوقاتهم
ليسمعون ويواسون


إذا ما الذي يمنعني؟
أحيان كثيرة نفسي أقطع اشتراك النت
واقطع الخدمة نهائيا
وأسعى للعيش بواقعية، ما الذي يجبرني
على التحايل واللعب بعقلي والعيش بأوهام كثيرة
أوهام الراحة والأمان والأمل
قد يكون الواقع أقسى، ولكن أيصعب علي معايشته؟


أكره الشك و الكذب ، وأحتقر الخداع
ما الحل الآن
أستمر على ما أنا فيه؟ وهل بهذا أكون راضيه؟
أم أعود لواقعي بدون تواصل خارجي لهذه
الشبكة واللي فيها فيها؟؟؟؟


محتااااااارة
ويصعب علي اتخاذ القرار
فـهنا ألقى متنفسي الوحيد
وبقطعه كـالجسد بلا روح تحاول العيش
بالمقابل
أود العيش بواقعية أكثر، بتحدي أكبر، بشجاعة أكبر وأكبر

كلمة مستفزة

** فلان قاعد مع علان وبعدين تليفون علان رن

فلان:- ما ترد يا بني على التلفيون

علان:- لا

فلان:- ليه يا عم بس ؟؟

علان:- أهو حلاقة بقى والسلام

فلان:- ليه بس الغلاسه دي ؟

علان:- بيني وبينك بحب أكبر دماغي

فلان:- يا سلام

علان:- أه

فلان:- طيب لما أنتا بتكبر دماغك الناس مبتضايقش ؟؟

علان:- يتضايقوا ليه بس ؟؟؟ دي حاجه عاديه يعني و محدش بتضايق علشانها

فلان:- طيب لو انا دلوقتي خلعت من القهوه من غير ما ادفع الحساب ؟؟

و كبرت دماغي زي ما أنتا بتقول يبقي حالك أزاي وكمان أنا عارف

أنك مش معاك فلوس علشان تتدفع الحساب ؟؟

علان:- ده انا دمي يفور فوران و اتضايق كمان

يا ريت فلان كان فعلا خلع من القهوة من غير ما يدفع

الحساب علشان علان يحس بمعنى تكبير الدماغ .

كبر دماغك . كم مرة أسمعها وأنا ماشية وتكون بين الواحد وصاحبه

وبسمعها كتيييير أوي الأيام دي بالذات

والكلمة دي بقى كلها أستفزاز للمشاعر وبتعبر عن اللامبالاه

يعني واحد يبقى بيعمل حاجة غلط ويجي حد ينصحه

يرد بكل وقاحه ويقوله يا عم كبر

ولو كل واحد كبر دماغه يبقى مفيش مشاكل هتتحل

وهو كده بيكبر المشاكل أكتر ما هي كبيرة

أتمنى بجد إن الكلمة دي تتمسح من عقول كل الناس

أترك لكم التعليق

نصائح

أوعى تنسى أي حاجه حصلتلك في الماضي

متأمنش بأي حاجه إلا بحقيقتك و لما تلاقيها خليك معاها علشان متوهش منك تاني

دايما افتكر نفسك و أنت صغير و افتكر كنت بتحلم بإيه و حاول تحققه

عمرك ما هاتحس براحه إلا لما تحقق احلامك الصغيره و انت لسه برئ

خليك شجاع و جرئ طول ما انت متأكد من الحق

أوعى تنام و انت حاسس انك خايف من حاجه و لا من حد. علشان تبقى مستريح

لما تبقى عاوز حاجه من الحياة متستناش حد يديهالك

علشان انت طيب و كده ما حدش هايديك الحاجة دي

لما تحب حاجه خدها بنفسك او على الاقل حاول تاخدها

واستمتع بالحاجه دي مرة و بالمحاولة مرتين

خليك من جوه زى من بره خليك متصالح مع نفسك

ده هايديك قوة و طاقه داخلية و خارجية كبيرة جدا

كل الجدران بين حقيقتك و اللى الناس شايفاها دي بتقلل من طاقتك و روحك على الحياة

خليك متسامح دايما بس مش ضعيف

حاول من فترة للتانية تجرب جنونك

كل الافكار المجنونة اللى بتعدى على دماغك من وقت للتانى اطلقها على العالم والناس

اللى بيحبوك بجد مش هايزعلوا و الباقى مش مهم

فكر دايما بإيجابية فى الحياة و خلى عندك هدف مرتبط بإيمان بحاجه معينه مهما كانت

لو مش لاقى إدى لحاجه معينه الأهمية دي علشان تلاقى سبب انك عايش

دايما خطط انك ترجع للحب الحقيقى فى حياتك

أوعى تعبد ماضيك حتى لو أقتضى الأمر أنك تنساه