** فلان قاعد مع علان وبعدين تليفون علان رن
فلان:- ما ترد يا بني على التلفيون
علان:- لا
فلان:- ليه يا عم بس ؟؟
علان:- أهو حلاقة بقى والسلام
فلان:- ليه بس الغلاسه دي ؟
علان:- بيني وبينك بحب أكبر دماغي
فلان:- يا سلام
علان:- أه
فلان:- طيب لما أنتا بتكبر دماغك الناس مبتضايقش ؟؟
علان:- يتضايقوا ليه بس ؟؟؟ دي حاجه عاديه يعني و محدش بتضايق علشانها
فلان:- طيب لو انا دلوقتي خلعت من القهوه من غير ما ادفع الحساب ؟؟
و كبرت دماغي زي ما أنتا بتقول يبقي حالك أزاي وكمان أنا عارف
أنك مش معاك فلوس علشان تتدفع الحساب ؟؟
علان:- ده انا دمي يفور فوران و اتضايق كمان
يا ريت فلان كان فعلا خلع من القهوة من غير ما يدفع
الحساب علشان علان يحس بمعنى تكبير الدماغ .
كبر دماغك . كم مرة أسمعها وأنا ماشية وتكون بين الواحد وصاحبه
وبسمعها كتيييير أوي الأيام دي بالذات
والكلمة دي بقى كلها أستفزاز للمشاعر وبتعبر عن اللامبالاه
يعني واحد يبقى بيعمل حاجة غلط ويجي حد ينصحه
يرد بكل وقاحه ويقوله يا عم كبر
ولو كل واحد كبر دماغه يبقى مفيش مشاكل هتتحل
وهو كده بيكبر المشاكل أكتر ما هي كبيرة
أتمنى بجد إن الكلمة دي تتمسح من عقول كل الناس
أترك لكم التعليق
12 ** أرااء ملائكتي **:
السلام عليكم
قشة ياسمر
انا حاسة انى فيه حد مزعلك ممكن اعرف مين وانا اكسر الدنيا على دماغه
عاوزاكى ضرورى
sad sad heart
السلام عليكم ورحمة الله وبركاته اجمل التهانى بمناسبة عيد الاضحى المبارك اعاده الله عليكم وجميع الاهل بالخير والبركة ، وجعلنا واياكم من الملبين فى العام القادم
والسلام عليكم ورحمة الله
كل عام وحضرتك بخير
كبر ى دماغك
هههههههههههههههههة
فعلا دى طبعا الكلمة دى بتتكرر كتير
حتى الصديق اللى الواحد بيختارة يكون روحة ودمة لما يكون فى موضوع مضايقنى
اقولة علية
تخيلى يقولى اية
كبر دماغك
مسيرها تروق
دة بدل ما يهون على الواحد
طبعا الكلمة دى بتخنق
لما الانسان يكون حاطط امل فى حاجة
ومش يلقيها
بجد موضوعك هاااااااااااااااام جدا
وبحيكى على الموضوع الجميل
كل سنة وانتى بالف خير
كل التقدير
اسير الجراح
والله فعلا معاكى حق
كله دلوقتى عندة لا مبالاة غريبه انعكست علينا كلنا وبقينا فعلا مجتمع لا مبالى
يا ستى
كبرى دماغك:)))
وكل سنه وانتى بالف خير
سمر
انتى فين يابنتى بجد والله عاوزاكى
بس كبرى دماغك من اللى فى بالك دى
اوكى مستنياكى
كل سنه وانتي طيبه
وعيد سعيد
sendrlla
ممكن توضيح علشان أنا
مش فاهمة حاجة
بس يا ريت على الأيميل
جوجو
وعليكم السلام ورحمة الله وبركاته
الله يخليكي يا جوجو
ان شاء الله هكلمك
beram almasry
شكرا على مرورك للمدونة
تسعدني زيارتك
وكل عام وانت بخير
أسير الجراح
شكرا على أهتمامك بالتعليق
وعلى أستمرارك بزيارة
مدونتي المتواضعة
وكل عام وأنت بخير
blue-wave
شكرا على زيارتك لمدونتي
المتواضعه
وعلى تعليقك
وكل عام وانت بخير
حسن حنفي
وأنت طيب يا حسن
وان شاء الله هيكون عيد سعيد على كل
الناس
إرسال تعليق