أوعى تنسى أي حاجه حصلتلك في الماضي
متأمنش بأي حاجه إلا بحقيقتك و لما تلاقيها خليك معاها علشان متوهش منك تاني
دايما افتكر نفسك و أنت صغير و افتكر كنت بتحلم بإيه و حاول تحققه
عمرك ما هاتحس براحه إلا لما تحقق احلامك الصغيره و انت لسه برئ
خليك شجاع و جرئ طول ما انت متأكد من الحق
أوعى تنام و انت حاسس انك خايف من حاجه و لا من حد. علشان تبقى مستريح
لما تبقى عاوز حاجه من الحياة متستناش حد يديهالك
علشان انت طيب و كده ما حدش هايديك الحاجة دي
لما تحب حاجه خدها بنفسك او على الاقل حاول تاخدها
واستمتع بالحاجه دي مرة و بالمحاولة مرتين
خليك من جوه زى من بره خليك متصالح مع نفسك
ده هايديك قوة و طاقه داخلية و خارجية كبيرة جدا
كل الجدران بين حقيقتك و اللى الناس شايفاها دي بتقلل من طاقتك و روحك على الحياة
خليك متسامح دايما بس مش ضعيف
حاول من فترة للتانية تجرب جنونك
كل الافكار المجنونة اللى بتعدى على دماغك من وقت للتانى اطلقها على العالم والناس
اللى بيحبوك بجد مش هايزعلوا و الباقى مش مهم
فكر دايما بإيجابية فى الحياة و خلى عندك هدف مرتبط بإيمان بحاجه معينه مهما كانت
لو مش لاقى إدى لحاجه معينه الأهمية دي علشان تلاقى سبب انك عايش
دايما خطط انك ترجع للحب الحقيقى فى حياتك
أوعى تعبد ماضيك حتى لو أقتضى الأمر أنك تنساه
16 ** أرااء ملائكتي **:
السلام عليكم
اول تعليق
ازيك ياقمر
بجد نصايح جميلة من اجمل صديقة فى الدنيا
اتمنالك التوفيق من كول قلبى
i love you
جوجو
السلام عليكم ورحمة الله وبركاته
موضوعك في قمة الرووووعه
نصائح ذهبيه بس احيانا يبقى الماضي
قاس ونتمنى نسيانه بالفعل
ربي يوفقك وتحققي كل احلامك
دمتي بخير
وعليكم السلام ورحمة الله وبركاته
أنا الحمد لله تمام يا جوجو
الله يخليكي ده من ذوقك
الحمد لله أن هي عجبتك
تحيااتي لكي
الايام
وعليكم السلام ورحمة الله وبركاته
شكرا ليكي جدا على تعليقك الجميل ده
تحيااتي لكي بمزيد من التقدم
دمتي سعيدة
نصائح جميله جدااا يا اختى .
وحمدلله بسلامتك يا قمر
فى انتظار اجمل ما يخطه قلمكِ دوما
اجمل تحيه لكِ اختى
ضي القمر
شكرا بجد على التعليق الجميل ده
ده من ذوقك والله
الله يسلمك
تحياتي لك
الله على جمال نصايحك بس انا معترض معاكى بس فى حكايه اوعى تنسى اى حاجه من الماضى فى حاجات لو فضلنا فاكرنها هنموت منها كل يوم وفى اوقات تبقى خيانه لو فكرنا فيها وحيا الحب الاولانى لو فضلنا فاكرينوا هيبقى عذاب لينا بس مع الاسف كل الكلام ده وفى الاخر الحب الاولانى عمره ما بيتنسى بس تسلمى على النصايح الجميله ده
بسم الله ما شاء الله
ما اجمل نصائحك
زما اجمل كلماتك
سعدت بزيارتك الجميلة لمدونتى
وسعدت اكتر بتعرفى لمدونتك الجميلة
دى اول زيارة ليا
وان شاء الله مش تكون الاخيرة
كل التقدير والاحترام
اسير الجراح
السلام عليكم
بشكرك على نورك ال نور مدونتى المتواضعه
واحب الزياره تتكرر تانى
بالنسبه للبوست
النصايح حلوه جدا ومهم
وواضح ان الحياه من البوست ده
خبرات مكتسبه
اتمنى تنورينى تانى
تحياتى
العراف
شكرا لمرورك للمدونة
واهتمامك بالتعليق
تحياااتي لك
أسير الجراح
تسرني زيارتك للمدونة
وشكرا كمان على التعليق ده
ويارب الزيارة تستمر
وكل عام وانت بخير
تحيااتي لك بالسعادة
الفارس
وعليكم السلام ورحمة الله وبركاته
أن شاء الله زيارتي لمدونتك هتكون مستمرة
وشكرا على تعليقك على البووست
وكل عام وانت بخير
دمت بخير
بلوج يجنن بجد واحساسك رائع ... تحياتي
osha
الله يخليكي ده من ذوقك والله
نورتي المدونة بجد
دمتي بخير وسعادة دائمه
نصايح جميله جدا ما شاء الله
لعلى أتبع أكثرها
بوست جميل جدا تقبلى مرورى
اعشق في الليل ضوء القمر
شكرا على زيارتك للمدونة
كل عام وانت بخير
تحيااتي لك
إرسال تعليق