CLICK HERE FOR BLOGGER TEMPLATES AND MYSPACE LAYOUTS »

الأحد، 11 أكتوبر 2009

دردشة حلوة ؟؟؟




  
كان فى واحد قاعد 

مع اصحابه وسألهم إيه

هو أصعب شي بالحياة؟؟؟؟ 
 

الاول قال الموت أصعب شيء
 

الثانى قال الحب من طرف واحد
 

والثالث قال إنك تنجرح من حبيبك
 

والرابع قال إنك تعيش واحدانى
 

والخامس قال إن الدنيا 

تبعدك عن الناس إلي بتحبهم
 
إيه رأيكم ما هو 

أصعب أصعب شي في الدنيا؟؟؟
 

ملاحظه: إكتب أي شي تحس

إنه صعب حتى

لو تجربه مريت بيها

مش لازم من المكتوبين

على راحتكم

معلش طولت عليكم أوي 

بس معلش 

سلام يا حلوين 

تحيااتي لكم 

dark angel



15 ** أرااء ملائكتي **:

زهور الامل يقول...

في حاجات كتير اوي صعبة في حياتنا

بس اصعبهم
انك تبعد عن اللي بتحبهم
او بمعنى اخر الفراااااااااااااق
سواء بالموت او السفر او اي طريقة تانية
بس الفراق صعب
تاني حاجة صعبة لما تحس انك ملكش مستقبل او تكون شايف مستقبلك مظلم

ثالت حاجة لما تحس انك اقل من كل اللي حواليك

رابع حاجة لما مايكونش ليك قيمة ولا لازمة في الحياة ومفيش اي انجاز في حياتك يشهدلك حتى بعد ماماتك

خامس حاجة لما تحب حد اوي وانت مش على باله اصلا

ولسة في حاجات كتير بس لو كتبتها هطول عليك اوي

تحياتي

جوجو يقول...

ازيك وحشاااااااااااااااانى مووووووووت ده بقى ياستى من وجهة نظرى اصعب شئ نزلته قبل كده بوست عندىاصعب حاجة فى الدنيا بجد هى ان قلبك يموت ومحدش يعلم بموته
قلبك يبكى ومحدش يسمع بكاؤه يدمع ومحدش يمسع دموعه
ينزف ومحدش يداوى جراحه يصرخ ومحدش يسمع صوته
يدق ومحدش يحس بدقاته يهرب لبعيد ومحدش يعرف مكان هروبه
يحس بالغدر ومحدش قادر يغير احساسه يحلم وفجاة يحس انه مش قادر يحقق احلامه
يحس بالخوف والضعف ومحدش حاسس بيه ولا قادر يبعد عنه اللى هو فيه
يتمنى الموت ولا انه يعيش حياة صعبة زى دى ويحس فيها بكل الاحاسيس الغريبة دى

تحياتى

**sad smile** يقول...

زهور الأمل

نورتي عالمي يا قمر

بشكرك جدا على أهتمامك بالتعليق

وعلى اَراءك الجميلة دي

أتمنى انك تكوني منوراني دايما

دمتي بكل الود

**sad smile** يقول...

جوجو

أنتي أكتر والله يا قلبي

سعيدة موووت بزيارتك الرائعة دي

وبشكرك جدا على وجهة نظرك المميزة دي

أتمنى أنك تكوني هنا دايما معايا

دمتي بكل الحب والصداقة

yasmina يقول...

هااااااى
ازيك
بجد موضوع اكتر من رائع
خصوصا انى بفكر فيه كتير اوى وكل شوية بكتشف حاجة غير التانية
اولا النسيان والفراق والحب اللى مش قادرة تطلعيه وتقوليه والوحدة
وماظنش انه الموت لانه دة حاجة والحياة حاجة تانية
مممممممممممممم
كان فى حاجات كتير فى دماغى راحت فين ؟


اه ولما تحسى ان اللى انتى بتحبيه مش بيحبك
والخيانة والغدر والشك
لا لا لا كتييييييير اوى


بس بينى وبينك
الفراق والنسيان اصعب ما فيهم
لانى عايشاهم على طول غير الحاجات التانية اللى مرت بيا فعلا
بس عدت ومرت خلاص
تحياتى
سلام بقى لا احسن اتكيتى على الجرح الدائم
ههههههه سلام يا جميل
وموضوع جميل احييكى فعلا عليه

yasmina يقول...

ايه دة انا طولت اوى
معلشى بقى

بس بجد الكلام معاكى حقيقى مريح وممتع فعلا
تحياتى

الشاعر الحزين يقول...

أولا

ازيك **sad smile** عامله ايه يارب تكونى بخير

أنا شايف ان أصعب شئ فى الدنيا هو

البعد عن الله سبحانه وتعالى

صدقينى البعد عن الله هو اللى بيسبب كل المشاكل دى
والقرب من ربنا هو اللى بيحل كل المشاكل دى
ده طبعا من وجهة نظرى المتواضعه جدا

لكن فيه حاجه تانيه صغيره برده بتكون صعبه قوى على الانسان لو حصلتله

لما تكونى بتحبى حد قوى وهو رقم واحد فى حياتك والحد ده يخليكى فى أخر زاويه من زوايا حياته

الاحساس ده فى منتهى القسوه اللى فى الدنيا

معلهش طولت عليكى

دمتى بكل الخير

Yusuf يقول...

اممممممم

أصعب حاجة

البعد عن ربنا طبعا

الدنيا بتبقا

ملهاش معالم

تحياتي

Light of my eyes يقول...

انا من وجهت نطرى او بطريقة عملية شوية ان هيكو الموت لانه هيشمل كل الاختيارات الموجوده او اللى هتدخل جديده

------ يقول...

انا اقولك اكتر حاجة بتوجعنى

انى لما ابعد عن ربنا ولما احس انه زعلان منى

انى احب حد بجد

واكتشف فى الاخر انى وجودى او غيابى ملوش اى معنى فى حياته

انى افارق من احبه

انى ابكى واصرخ ومحدش يحس بيا

انى احس ان مليش لزمة انى اعيش

انى احلم ومحققش حلمى

**sad smile** يقول...

yasmina

بشكرك والله يا قمر ده من ذوقك والله

أسعدتيني جدا بزيارتك نورتي الدنيا بجد

شكرا جدا على وجهة نظرك وكلامك الجميل ده

مطولتيش والله برحتك يا حببتي

والله أنتي إلي كلام أحلى

دمتي بكل المحبة

**sad smile** يقول...

الشاعر الحزين

الحمد لله تمام

فعلا وجهة نظر كويسة جدا
بشكرك جدا عليها

فعلا البعد عن الله سبحانه وتعالى حاجة صعبة جدا

وبشكرك كمان على وجهات النظر الأخرى
وعلى الزيارة

دمت بكل الخير

**sad smile** يقول...

Yusuf

بشكرك على أهتمامك بالزيارة والتعليق

ووجهة نظرك

أتمنى أن تتكرر الزيارة

تحيااتي لك

**sad smile** يقول...

Light of my eyes

أسعدتني زيارتك

وأتمنى أن لا تكون الأخيرة

شكرا أوي على وجهت نظرك

أنا برده أصعب حاجة في الدنيا عندي

البعد عن ربنا

وبعدين

الموت صعب أوووي

تحيااتي لك

**sad smile** يقول...

دموع القمر

بشكرك يا قمر على الزيارة الجميلة دي

وعلى رأيك

أن شاء الله ربنا مش هيكون زعلان منك خالص

طول عمرك

وشكرا على وجهات نظرك التانية برده

تحياااتي لكي